کلم کسم

من عاشیقم زیره سن
زعفرانسان زیره سن
او گونه قوربان اولوم
سن قاپیدان گیره سن

قوی گولوم گلسین آی ننه
قوی یاریم گلسین آی ننه
قاپیدا دوران اوغلانا
بیر رحمین گلسین ننه

قاراباغین دوزو وار
دوزلرینده قوزو وار
ایکی کؤنول بیر اولسا
کیمین اونا سؤزو وار؟

قوی گولوم گلسین آی ننه
قوی یاریم گلسین آی ننه
قاپیدا دوران اوغلانا
بیر رحمین گلسین ننه

آرازام کوره بندم
بولبولم گوله بندم
دیندیرمه یین آغلارام
بیر شیرین دیله بندم

قوی گولوم گلسین آی ننه
قوی یاریم گلسین آی ننه
قاپیدا دوران اوغلانا
بیر رحمین گلسین ننه


This page was generated in 0.17 seconds.
© IranSong Persian Music بهمن 1380 تا 1393